|
سوجهرو
پبليڪيشن پاران سنڌ جي ڏات ڌڻين کي
ايوارڊ
ڏنا ويا
ڪراچي(سنڌي ڪتاب.نيٽ): سوجهرو پبليڪيشن ڪراچيءَ پاران سنڌ
جي ڏات ڌڻين کي مختلف ادبي شعبن ۾ ذڪر لائق ڪم ڪرڻ تي مڃتا
طور ايوارڊ ڏنا ويا، ايوارڊ ورهائڻ جي اهڙي تقريب سنڌ
ثقافت کاتي جي ممتاز مرزا آڊيٽوريم ۾ ٿي گذري جنهن ۾ سنڌ
جي قلم ڌڻين ۽ ڏات ڌڻين وڌي انگ ۾ شرڪت ڪئي، جڏهن ته
انهيءَ موقعي تي هند کان ڪهي آيل سائين لچمڻ ڪومل ۽
گوبندخوشحالاڻي پڻ شرڪت ڪئي ۽ انهيءَ موقعي تي دادا لڇمڻ
ڪومل جي سوانحي عمريءَ جي ڪتاب وهي کاتي جا پنا جو مهورت
پڻ ٿيو.
انهيءَ موقعي تي ڪهاڻيءَ جي شعبي ۾ ايوارڊ جناب امر جليل
کي ڏنو ويو، جڏهن ته موسيقيءَ جي شعبي ۾ ايوارڊ جناب محمد
قسم ماڪا کي ڏنو ويو، بهتر سفر نامه لکڻ تي ايوارڊ الطاف
شيخ، بهتر سوانح حيات تحرير ڪرڻ ۽ ادبي خدمتون سر انجام
ڏين تي دادا لڇمڻ ڪومل، بهتر ادبي سرگرمين ۽ بهتر ادبي
لکڻين تي ايوارڊ دادا گوبند خوشحالاڻي، ناول رڃ تحرير ڪرڻ
تي ايوارڊ سائنڻ ج.ع منگاڻي ۽ ڪراچي سنڌ جي مارئي تحرير
ڪرڻ تي ايوارڊ گل حسن ڪلمتيءَ کي ڏنو ويو.
|
